Turinning “Yuventus” klubi sobiq futbolchisi Janluka Dzambrotta jamoa atrofidagi vaziyat haqida fikr bildirdi. Mavsum davomida turinliklar bosh murabbiy almashishga majbur bo‘ldi: Igor Tudor o‘rnini Luchano Spalletti egalladi. Bu haqda euro-football.ru xabar beradi.
Dzambrottaning ta’kidlashicha, Spalletti kelishi bilan “Yuventus” yana o‘ziga xos temp va ritmni qaytara oldi. U Luchanoni ishining ustasi sifatida e’tirof etib, murabbiy jamoada har kuni tizimli mehnat jarayonini yo‘lga qo‘ya olishini va bu yondashuv natija berishini aytdi. Sobiq himoyachi Spalletti qo‘l ostida “Yuventus”da yangi g‘alabali sikl boshlanishi ehtimolini ham istisno qilmadi.
Ayni paytda Turin klubi A Seriyada to‘rtinchi o‘rinda bormoqda. “Yuventus” Italiya chempionligini oxirgi bor 2020 yilda qo‘lga kiritgan.
“Zamin”ni Telegramʻda oʻqing!
