A Seriyaning 20-turida Rimning “Roma” klubi g'alabaga erishdi. Uchrashuvda Matias Soule jamoasining har ikki golida ham hal qiluvchi rol o'ynadi: birini o'zi kiritdi, ikkinchisiga esa golli pas uzatdi. Bu haqda euro-football.ru xabar beradi.
O'yindan keyin Soule natijani muhim deb baholadi. Uning aytishicha, raqib himoyada tartibli o'ynab, yaxshi yopila oladi va “Roma”ga o'z o'yinini yo'lga qo'yish oson bo'lmagan. Ikkinchi bo'limda rimliklar o'z ritmini topib, gol urishga erishdi. “Endi shu yo'nalishda davom etishimiz kerak”, dedi futbolchi.
“Sassuolo” ustidan olingan g'alaba “Roma”ga turnir jadvalida vaqtincha uchinchi o'ringa ko'tarilish imkonini berdi. Biroq yakshanba kuni “Napoli” hamda Turin “Yuventus”i o'z uchrashuvlarini o'tkazishi kerak.
“Zamin”ni Telegramʻda oʻqing!
