Italiya A Seriyasining 20-turida «Fiorentina» «Milan»ga qarshi keskin bahs o‘tkazdi. «Binafshalar» hisobda oldinga chiqib olgan bo‘lsa-da, uchrashuv yakuniga sanoqli daqiqalar qolganida ustunlikni saqlab qola olmadi. Bu haqda euro-football.ru xabar beradi.
«Fiorentina»ning yagona goliga mualliflik qilgan Pyetro Komutstso o‘yindan keyin jamoasi durangdan ko‘prog‘iga munosib bo‘lganini ta’kidladi. Uning so‘zlariga ko‘ra, ikkinchi bo‘limdagi o‘yin va vaziyatlar «binafshalar» foydasiga edi.
«Biz deyarli g‘alabaga tayyorlanib bo‘lgandik, chunki ikkinchi bo‘limni juda yaxshi o‘tkazdik va shunday sharoitda uch ochko olishga loyiq edik. Endi tezroq o‘sishimiz kerak — chempionat cheksiz emas», — deya Komutstso fikrini keltiradi pianetamilan.it.
Hozirda «Fiorentina» Italiya chempionati turnir jadvalida 18-o‘rinda bormoqda.
“Zamin”ni Telegramʻda oʻqing!
