Turinlik «Yuventus» «Selta»ning o'ng qanot himoyachisi Oskar Mingesaga qiziqish bildirmoqda. Yahoo Sports xabariga ko'ra, ispaniyalik futbolchining amaldagi shartnomasi 2025/26 mavsumi yakunida tugaydi. Bu haqda euro-football.ru xabar beradi.
«Byankoneri» tarkibni himoya chizig'ida kuchaytirishni ko'zlamoqda va bir nechta pozitsiyada o'ynay oladigan futbolchilarga ustuvorlik bermoqda. «Barselona» akademiyasidan yetishib chiqqan Mingesa ham aynan shunday universal variant sifatida ko'rilmoqda.
Manbaga ko'ra, Mingesa 30 iyunda erkin agentga aylanishi mumkin. «Selta» u bilan yangi kelishuv tuzishga urinmoqda, biroq hozircha tomonlar yakuniy kelishuvga yaqinlasha olmagan. «Yuventus» esa yanvar oyidayoq futbolchini olib kelish imkoniyati bor, deb hisoblaydi, ammo «Selta» bunday bitimga unchalik ham tayyor emas: transfer bo'lsa, tushumning yarmi «Barselona»ga o'tishi kerak bo'ladi.
Transfermarkt Mingesani 14 million yevroga baholamoqda. 26 yoshli himoyachi mavsumdagi 21 uchrashuvda 1 gol urdi, 3 assist berdi va 2 ta sariq kartochka oldi.
“Zamin”ni Telegramʻda oʻqing!
