"Milan" yarim himoyachisi Ardon Yashari "Fiorentina"ga qarshi 1:1 hisobidagi durangdan keyin ranjishga ham ulgurmay, o‘sha zahoti noodatiy sovrin bilan taqdirlandi. Bu haqda euro-football.ru xabar beradi.
Ma’lum bo‘lishicha, Yashari 2025 yilda Belgiya chempionatining eng yaxshi futbolchisi deb topilgan. Garchi u ligada yilning faqat birinchi yarmida to‘p surgan bo‘lsa-da, mukofot sifatida unga Belgiya "Oltin butsa"si topshirildi — u yerda eng yaxshilarni aynan shu tarzda tabriklash odat tusiga kirgan.
Qizig‘i, Yasharining statistikasi unchalik ham yorqin emas: 20 o‘yin, 2 gol va 2 assist. Shunga qaramay, ayrim mezonlarga ko‘ra, Belgiya chempionati 2025 yilning eng yaxshi o‘yinchisi sifatida aynan u e’tirof etildi, deya xabar beradi pianetamillan.it.
“Zamin”ni Telegramʻda oʻqing!
