“Napoli”ning sobiq bosh murabbiyi Rafael Benites neapolliklarning “Inter”ga qarshi uchrashuvi arafasida fikr bildirdi. Mutaxassisning ta'kidlashicha, maydonga turnirning eng asosiy favoritlari bo'lib kelayotgan ikki jamoa chiqadi. Bu haqda euro-football.ru xabar beradi.
Benites “Inter” va “Napoli” so'nggi besh yil davomida doimiy ravishda chempionlik uchun kurashganini eslatdi. Shu bilan birga, u ularning ustunligi bir paytlar “Milan” tomonidan to'xtatilganini tasodif deb hisoblamasligini aytdi: uning fikricha, Allegri omilining o'zi katta kafolat bo'lgan. Biroq hozir “Milan” yana ko'p ochko yo'qota boshlayotganini qayd etdi, deya yozadi La Gazzetta Dello Sport.
Benites 2013–2015 yillarda “Napoli”ni boshqargan. U avvalroq, 2010 yilda esa “Inter”da ham qisqa muddat ishlagan.
“Zamin”ni Telegramʻda oʻqing!
