Fransiya chempionatining 18-turida Parij shahridagi katta to‘qnashuvlardan biri bo‘lib o‘tdi: «PSJ» o‘z maydonida «Lill»ni mehmon qilib, ishonchli 3:0 hisobida g‘alaba qozondi. Luis Enrike shogirdlari ushbu o‘yinda ham natija, ham o‘yin sifati bo‘yicha raqibiga imkoniyat qoldirmadi.
Uchrashuvning eng yorqin qahramoni — Usmon Dembele bo‘ldi. U ikki bor raqib darvozasini ishg‘ol qilib, dubl qayd etdi. Bahsning so‘nggi daqiqalarida esa zaxiradan maydonga tushgan Barkolya ham o‘z so‘zini aytdi va 90+3-daqiqada gol urib, «PSJ»ning g‘alabasini yanada bezadi.
Bu natija parijliklarga jadvalda katta turtki berdi: Enrike jamoasi ochkolarini 42 taga yetkazib, chempionatda 1-o‘ringa ko‘tarildi. «Lill» esa 32 ochko bilan 4-pog‘onada qoldi — yuqori o‘rinlar uchun kurashda qimmat ochkolarni yo‘qotdi.
Fransiya chempionati. 18-tur
PSJ – Lill 3:0
Gollar: Dembele 13, 64, Barkolya 90+3.
PSJ – Shevale, Zair-Emeri, Pacho, Markinos, Mendesh, Mayulu (Zabarniy, 46), Vitinya, Ruis, Due (Ernandes, 84), Dembele (Ramush, 76), Xvicha (Barkolya, 63).
Lill – Ozer, Mene (Santos, 87), Ngoy, Bentaleb, Perraud, Mukau, Bouaddi, Mbappe (Broholm, 77), Haraldsson (F. Korreyra, 90), Korreyra, Jir-u (Diaoune, 77).
Umuman olganda, «PSJ» bu g‘alaba bilan nafaqat uch ochkoni, balki chempionlik poydevorini ham yanada mustahkamladi: jamoa o‘z vaqtida formaga kirib olgan bo‘lsa, «Lill»ga esa katta o‘yinlardagi barqarorlik masalasi yana bir bor eslatildi.
“Zamin”ni Telegramʻda oʻqing!
