Xabaringiz bor, bugun Angliya Premer-ligasining 22-turi rasman boshlanadi. Muxlislar uchun eng qiziq nuqta — albatta, Manchester derbisi: “Manchester Yunayted” va “Manchester Siti” o‘zaro to‘qnash keladi. Biroq bugungi dasturda faqat derbigina emas — London, Mersisayd va boshqa maydonlarda ham intriga yetarli.
Quyida bellashuvlar ro‘yxati va start vaqti:
17:30: "Manchester Yunayted" - "Manchester Siti"
20:00: "Chelsi" - "Brentford"
20:00: "Lids" - "Fulxem"
20:00: "Liverpul" - "Byornli"
20:00: "Sanderlend" - "Kristal Pelas"
20:00: "Tottenxem" - "Vest Xem"
22:30: "Nottingem Forest" - "Arsenal"
Ma’lum qilinishicha, tur doirasidagi qolgan 3 ta uchrashuv yakshanba kuni bo‘lib o‘tadi. Demak, 22-tur intrigasi ikki kunga teng taqsimlangan — kimdir bugun kayf qiladi, kimdir ertaga.
Eslatib o‘tamiz, ushbu turdan oldin turnir jadvalida “Arsenal” peshqadamlik qilmoqda. Londonliklar 6 ochkolik ustunlik bilan Gvardiola boshqaruvidagi “Manchester Siti” hamda Unai Emeri qo‘l ostidagi “Aston Villa”ni ortda qoldirgan. 4-pog‘onada ketayotgan “Liverpul” hisobida esa 35 ochko bor.
Qisqasi, bugun maydonlarda “har daqiqa — syujet”. Derbi, yuqori o‘rinlar uchun kurash, yevrokuboklar yo‘lidagi raqobat — hammasi bir kunga jamlangan.
“Zamin”ni Telegramʻda oʻqing!
