Belarus terma jamoasining sobiq hujumchisi Vitaliy Kutuzov “Milan”dagi faoliyati davrida internetga ulanish uchun Paolo Maldividan yordam so‘raganini eslab o‘tdi. Bu haqda euro-football.ru xabar beradi.
Kutuzov vatani bilan aloqada bo‘lish maqsadida tarmoqqa ulanishga urinadi, biroq o‘sha paytda bu ish oson bo‘lmagan. Jamoaning boshqa futbolchilari esa texnik masalalarda hammadan ko‘ra yaxshi tushunadigan Maldiviga murojaat qilishni maslahat beradi.
“Paolo klub ofisiga borib, qandaydir diskovodni uladi, uch soatlab ovora bo‘ldi, deyarli dam ham olmadi. Bu — “Milan” va Italiya terma jamoasi sardori, u esa men uchun uch soatini sarfladi”, — deya Kutuzovning so‘zlarini keltiradi “Chempionat”.
Kutuzovning aytishicha, o‘sha davrdagi “Milan” tarkibida deyarli har bir futbolchi ibrat bo‘la olardi: u jamoada Jennaro Gattuzo, Andrea Pirlo va boshqa yulduzlar bilan birga o‘ynagan.
Avvalroq Kutuzov “Parma”da Klaudio Raneri bilan ishlagan davriga oid xotiralari bilan ham bo‘lishgandi.
“Zamin”ni Telegramʻda oʻqing!
