“Yuventus” bosh murabbiyi Luchano Spalletti hamda “Napoli” ustozi Antoni Konte A Seriyaning 22-turidagi o‘zaro uchrashuv oldidan rejalashtirilgan matbuot anjumanlarini o‘tkazmaslikka qaror qildi. Bu haqda euro-football.ru xabar beradi.
Spalletti tadbirga atigi ikki soat qolganida jurnalistlar bilan muloqot qilmasligini ma’lum qildi. Kontening bunday qaroriga esa jamoasining Yevropa Chempionlar ligasida “Kopengagen”ga qarshi o‘yinda 1:1 hisobidagi durang natijasi sabab bo‘lgani aytilmoqda.
Qayd etilishicha, bu ikki murabbiyning OAV vakillari bilan o‘yindan oldingi suhbatlarni chetlab o‘tishi ilk bor kuzatilmayapti.
“Yuventus” – “Napoli” uchrashuvi 25-yanvar kuni Turin shahrida bo‘lib o‘tadi va 22:00 da (Toshkent vaqti bilan) start oladi. 21-turdan so‘ng “Yuventus” 39 ochko bilan 5-o‘rinda bormoqda, “Napoli” esa 43 ochko bilan 3-pog‘onani egallab turibdi.
“Zamin”ni Telegramʻda oʻqing!
