Madridning “Real” klubida kayfiyat yana koʻtarinki. Ikki hafta avval bosh murabbiylikka Alvaro Arbeloa tayinlandi, u ishdan olingan Xabi Alonsoning oʻrnini egalladi. Kadrlar oʻzgarishidan keyingi ilk oʻyin muvaffaqiyatsiz chiqib, Ispaniya Kubogida “Albasete”ga yutqazildi. Biroq shundan keyin jamoa ketma-ket uch uchrashuvda raqiblarini yirik hisoblar bilan taslim etib, jami 10:1 natijani qayd etdi. Bu haqda euro-football.ru xabar beradi.
El Chiringuito xabariga koʻra, “qirollik klubi” ichida Arbeloa boshqaruvidagi “Real” La Liga va Yevropa Chempionlar ligasida bir vaqtning oʻzida zafar quchishga qodir, degan ishonch kuchli. “Real” bunday dubldan oxirgi bor 2024 yilda Karlo Anchelotti davrida foydalangan edi.
Hozirda “Real” chempionat jadvalida ikkinchi oʻrinda bormoqda va “Barselona”dan atigi bir ochko ortda qolmoqda.
“Zamin”ni Telegramʻda oʻqing!
