"Manchester Siti" bosh murabbiyi Xosep Gvardiola jamoa vingeri Oskar Bobb tez orada klubni tark etishi mumkinligini aytdi. Bu haqda euro-football.ru xabar beradi.
Norvegiyalik futbolchi jamoani tark etish istagini bildirgan va faoliyatini "Fulhem"da davom ettirish variantini ko‘rib chiqmoqda.
Insayder Fabritsio Romanoning keltirishicha, ispaniyalik mutaxassis: "O‘ylashimcha, Oskar Bobb shu oy ketishni xohlayapti", — degan.
OAV ma’lumotlariga ko‘ra, 22 yoshli norvegiyalik London klubi bilan shartnoma imzolashga juda yaqin. Futbolchi AQSHda o‘tadigan jahon chempionati oldidan ko‘proq o‘yin amaliyotiga ega bo‘lishni istayotgani taxmin qilinmoqda.
2025/2026 yilgi mavsumda Bobb barcha turnirlarda 15 ta uchrashuvda maydonga tushib, 1 ta golli uzatma amalga oshirdi. Uning bozor bahosi 25 mln yevroga teng.
“Zamin”ni Telegramʻda oʻqing!
