Fulxem bosh murabbiyi Marco Silva atrofidagi vaziyat noaniqligicha qolmoqda. Portugaliyalik mutaxassisga Chelsi klubi tomonidan qiziqish ortib borayotgan bir paytda, u oʻz kelajagi borasida yakuniy qarorga kelgani yoʻq. Bu haqda Goal.com xabar beradi.
Fulxem rahbariyati noyabr oyidan buyon murabbiyga uch yillik yangi shartnoma taklif qilib kelmoqda, biroq Silva hali ham hujjatlarga imzo chekishga shoshilmayapti. Klub kelgusi mavsum uchun reja tuzishda qiynalmoqda va agar Silva ketishga qaror qilsa, muqobil variantlarni koʻrib chiqishni boshlagan.
Chelsi rahbariyati jamoani barqarorlashtira oladigan murabbiy izlamoqda va Silva bu boradagi asosiy nomzodlardan biri hisoblanadi. Shuningdek, londonliklar Xabi Alonso va Andoni Iraola nomzodlarini ham oʻrganib chiqmoqda.
Vaziyatni yanada murakkablashtirayotgan yana bir omil — Benfika klubining qiziqishi. Agar Jose Mourinho jamoani tark etsa, Portugaliya grandi aynan Silvani asosiy nomzod sifatida koʻrmoqda.
DAZN nashriga bergan intervyusida Marco Silva klub uning qolishini istayotganini tasdiqladi, biroq hozirgi diqqat-eʼtibori mavsum yakunidagi oʻyinlarga qaratilganini taʼkidladi. U mavsum yakunlangach, oʻz kelajagi boʻyicha aniq qaror qabul qilishini maʼlum qildi.
“Zamin”ni Telegramʻda oʻqing!
