Fransuz jurnalisti Jan-Filip Lekler (L’Equipe) rossiyalik darvozabon Matvey Safonovning PSJdagi holati haqida fikr bildirdi. Uning aytishicha, hozir Safonov ko‘proq ikkinchi raqamli golkiper sifatida ko‘rilayotgan bo‘lsa-da, maydonda o‘zini ko‘rsatishi uchun yana bir imkon berilishi lozim. Bu haqda euro-football.ru xabar beradi.
Lekler Safonov jarohat olguniga qadar juda ishonchli o‘yin namoyish etganini ta’kidladi. Jurnalist fikricha, o‘sha vaqtdan beri Shevale ishonch uyg‘otmayapti va hatto jiddiy xavotirga sabab bo‘lmoqda. Shu bois u Safonovni yana bir bor sinab ko‘rish kerakligini aytdi, biroq aynan Luis Enrike tarkibda Shevaleni ko‘rishni istaganini ham eslatdi.
Shuningdek, Lekler agar Shevale PSJda ikkinchi darvozabon maqomiga tushib qolsa, bu holat Enrike tomonidan “xiyonat” sifatida qabul qilinishini qayd etdi.
Avvalroq Safonov jarohatdan so‘ng PSJ bilan mashg‘ulotlarni qayta boshlagani haqida xabarlar tarqalgan edi. Luis Enrike jamoasi navbatdagi uchrashuvini 28-yanvar, chorshanba kuni “Nyukasl”ga qarshi Yevropa Chempionlar ligasida o‘tkazadi.
“Zamin”ni Telegramʻda oʻqing!
