“Galatasaray” yarim himoyachisi Ilkay G'undogan Angliya Premer-ligasidagi chempionlik poygasi haqida fikr bildirdi. Bu haqda euro-football.ru xabar beradi.
35 yoshli futbolchi chorshanba kuni Chempionlar ligasining umumiy bosqichi yakuniy turi doirasida sobiq jamoasi “Manchester Siti”ga qarshi maydonga tushadi.
“Men “Manchester Siti” “Arsenal”ni ortda qoldirib, Premer-liga chempionligini qo'lga kiritishiga ishonaman. Yaqinda ochkolar farqi qisqardi, qolaversa, “Siti” forma topganda uzoq muddat mag'lubiyatsiz seriya qilishni juda yaxshi biladi. Men jamoa va murabbiyga ishonaman, ularga omad tilayman”, — dedi o‘tgan yozda “shaharliklar” safidan ketgan G'undogan matbuot anjumanida.
23 turdan so‘ng “Manchester Siti” APL jadvalida peshqadam “Arsenal”dan to‘rt ochko ortda bormoqda.
“Zamin”ni Telegramʻda oʻqing!
