Sankt-Peterburgning «Zenit» klubini avval boshqargan, hozir Ruminiya terma jamoasi bosh murabbiyi bo‘lib ishlayotgan Mircha Luchesku shifoxonadan javob berildi. Bu haqda gsp.ro xabar tarqatdi. Bu haqda euro-football.ru xabar beradi.
Avvalroq 80 yoshli mutaxassis grippga chalingani, tana harorati 39 darajagacha ko‘tarilgani va bu holat yurak bilan bog‘liq muammolarni yanada kuchaytirgani ma’lum bo‘lgandi. Shifoxonadan chiqqaniga qaramay, Luchesku shifokorlar qat’iy nazoratida qoladi.
Sog‘lig‘i bilan bog‘liq vaziyat murabbiyga Turkiyaga borib, terma jamoaga nomzod futbolchilarni kuzatishga ham xalaqit berdi. Ruminiya 26 mart kuni JCH saralashi pley-offida Turkiyaga qarshi maydonga tushadi. Ushbu juftlik g‘olibi hal qiluvchi o‘yinda Slovakiya yoki Kosovo bilan to‘qnash keladi.
“Zamin”ni Telegramʻda oʻqing!
