Portugaliyalik murabbiy Paulu Fonseka «Lion»dagi ishini juda muvaffaqiyatli boshladi. U jamoa boshqaruvida o‘tkazgan 51 uchrashuvning 34 tasida g‘alaba qozonib, har uch o‘yindan deyarli ikkitadan yutish ko‘rsatkichi — 66,6 foizni qayd etdi. Bu haqda euro-football.ru xabar beradi.
Bu natija klub tarixidagi eng yaxshi g‘alabalar foizi hisoblanadi. Avvalgi rekordlar ro‘yxatida Jerar Ule 108 o‘yinda 69 g‘alaba (63,9%), Alen Perren esa 55 uchrashuvda 35 g‘alaba (63,6%) bilan keyingi o‘rinlarda turadi.
Fonseka qo‘l ostida «Lion» Fransiya chempionati turnir jadvalida uchinchi pog‘onaga ko‘tarildi. Keyingi turda jamoa o‘z maydonida «Nitsa»ni qabul qiladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
