Turinning «Yuventus» klubi bosh murabbiyi Luchano Spalletti matbuot anjumanida jurnalistlarning shartnomani uzaytirish bo‘yicha savollariga javob berdi. Bu haqda euro-football.ru xabar beradi.
Mutaxassis bu mavzuda ortiqcha bosim faqat ishga xalaqit berishini ta’kidladi. Uning aytishicha, klub rahbariyati barcha jihatlarni xotirjam taroziga solib ko‘rishi uchun vaqtga ega bo‘lishi kerak.
Spalletti hozircha asosiy e’tiborini jamoani o‘yinlarga sifatli tayyorlashga qaratganini aytdi: mavsum davomida hali ko‘plab uchrashuvlar bor. Shuningdek, murabbiy klubda muddati yakunlanayotgan futbolchilar shartnomalari ham borligini eslatib, rahbariyat uchun avvalo shu masalalar ustuvor bo‘lishi mumkinligini bildirdi.
Eslatib o‘tamiz, Spalletti mavsum davomida Igor Tudor bilan xayrlashilganidan so‘ng «Yuventus»ni qabul qilib olgandi.
“Zamin”ni Telegramʻda oʻqing!
