A Seriyaning 24-turida “Roma” “Stadio Olimpiko”da “Kal'yari”ni qabul qildi va uchrashuv davomida yaqqol ustunlikka ega bo'ldi. Bu haqda euro-football.ru xabar beradi.
Birinchi bo'lim o'rtalarida Janluka Manchini o'ng qanotdan jarima maydoni chetiga aniq pas uzatdi, Matiyas Soule esa to'pni o'ziga bo'ysundirgach, uzoq burchakka zarba yo'lladi — to'p ustun yonidan o'tib ketdi. 25-daqiqada navbatdagi hujumda Manchini Doniell Malenni jarima maydoni yaqinida topdi: hujumchi himoyachidan uzilib chiqib, darvozabon qarshi chiqayotgan paytda to'pni chiroyli tarzda oshirib tashladi — 1:0.
Ikkinchi taym o'rtalarida Zeki Chelik o'ng tomondan jarima maydoniga yorib kirib, darvoza oldiga pastdan uzatma berdi. Malen himoyachilardan tezroq harakat qilib, bir tegishda hisobni 2:0 ko'rinishiga keltirdi va dublini rasmiylashtirdi. “Kal'yari” tarkibida Ibrohim Sulemna uzoq masofadan yo'llagan zarbada to'p to'singa tegib, maydon tashqarisiga chiqib ketdi.
Ushbu g'alabadan so'ng “Roma” turnir jadvalida 4-o'rindagi “Yuventus”ga yetib oldi, “Kal'yari” esa 12-pog'onada qolmoqda.
“Zamin”ni Telegramʻda oʻqing!
