Tottenhem sobiq murabbiyi match paytida hushidan ketdi

Angliyaning «Tottenhem» klubini avval boshqargan Devid Plit Chempionship uchrashuvi vaqtida «Kuins Park Reyndjers»ning «Loftus Roud» stadionida hushidan ketib qoldi. Hozir u shifoxonaga yotqizilgan va Daily Mail xabariga ko'ra, kamida ikki hafta davolanishda bo'ladi. Bu haqda euro-football.ru xabar beradi.

81 yoshli mutaxassisning holati klubda ham e'tiborsiz qolmadi: «Tottenhem» matbuot xizmati Plitning yaqinlari bilan bog'lanib, uning oilasi hamda o'ziga zarur yordam ko'rsatishga tayyorligini bildirdi.

Plit «Tottenhem»ni 1986/1987 yilgi mavsumda boshqargan, keyinchalik esa bir necha yil davomida klubda turli lavozimlarda, jumladan sport direktori sifatida ham faoliyat yuritgan. U professional faoliyatini 2008 yilda yakunlagan.

Sardor Ergashev

«ZAMIN.UZ» muharriri