“Gamburg”ning sobiq futbolchisi Sergey Kiryakov rossiyalik darvozabon Matvey Safonovning “PSJ”dagi o'yinlari haqida fikr bildirdi. Bu haqda euro-football.ru xabar beradi.
Kiryakovning ta'kidlashicha, futbolda ba'zan umuman imkon yo'qdek ko'rinadi, biroq vaqt o'tib kutilgan imkoniyat paydo bo'ladi. Uningcha, Safonov uchun aynan shunday lahza yetib keldi va u bu imkoniyatdan mahkam ushlay oldi.
“Bu uning payti keldi — final, balki eng kuchli musobaqa emasdir, lekin u o'z imkoniyatidan foydalandi. Endi eng qiyini — shu darajani ushlab qolish. Keyin esa hammasi vaziyatga qarab ketadi”, — deya Kiryakov so'zlarini “RB Sport” keltirdi.
Mutaxassis Safonovning kelgusi istiqboli ko'p jihatdan uning psixologiyasiga bog'liqligini qayd etdi. Chunki hozir u, Kiryakov fikricha, sayyoradagi eng kuchli jamoada o'ynayotgan bo'lishi mumkin.
Eslatib o'tamiz, mavsum davomida Safonov “PSJ”ning asosiy tarkibidagi o'rnini qo'lga kiritib, Lyuka Shevalyeni zaxiraga o'tkazdi. Rossiyalik darvozabon hisobida 7 ta o'yin, 5 ta o'tkazib yuborilgan gol va 3 ta “quruq” uchrashuv bor.
“Zamin”ni Telegramʻda oʻqing!
