FIFA Rossiyaga nisbatan joriy etilgan sanksiyalarni 2026 yil aprelidayoq bekor qilishi yoki ularni qayta ko'rib chiqishi ehtimoli bor. Aynan shu oyda federatsiya kongressi yig'ilishi bo'lib o'tadi. Bu haqda euro-football.ru xabar beradi.
Norasmiy suhbatlarda amaldorlar FIFA prezidenti Janni Infantino cheklovlar Rossiya uchun yumshatilishiga umid qilayotganini aytmoqda.
Sport24.ru xabariga ko'ra, UEFA Rossiya masalasida yanada qat'iy pozitsiyada qolmoqda.
Avvalroq Infantino sanksiyalar vaziyatni yaxshilamaganini, aksincha, yanada og'irlashtirganini ta'kidlab, ularni imkon qadar tezroq bekor qilish kerakligini bildirgan.
Shundan so'ng UAF prezidenti Andrey Shevchenko FIFA rahbari bilan shoshilinch uchrashib, o'z nuqtayi nazariga ko'ra, rossiyalik jamoalarning xalqaro musobaqalarda qatnashishi yo'l qo'yib bo'lmasligini eslatgan.
“Zamin”ni Telegramʻda oʻqing!
