Rossiyalik sobiq yarim himoyachi Aleksandr Grishin Aleksandr Golovinning kelajagi haqida fikr bildirib, uning yaqin orada grand jamoaga ko‘chishi ehtimolini past baholadi. Hozirda Golovin Fransiya chempionatida 7-o‘rinda borayotgan «Monako» safida to‘p surmoqda. Bu haqda euro-football.ru xabar beradi.
Grishin futbolchi avvalroq boshqa klubga o‘tishi kerak bo‘lganini ta’kidladi. Uningcha, Golovin bu yoshda chempionatni o‘zgartirish uchun yetarli motivatsiyaga ega emas, ustiga-ustak tez-tez jarohat oladi. Shuningdek, «Monako»da ham u doimiy ravishda asosiy tarkibda o‘ynamayotgani sababli top-klublar unga jiddiy qiziqish bildirmaydi.
«Monako» 31 ochko bilan Fransiya chempionati turnir jadvalida 7-pog‘onada. 29 yoshli Golovin joriy mavsum barcha musobaqalarda 25 uchrashuvda maydonga tushib, 2 gol urdi va 4 ta golli pas muallifi bo‘ldi.
“Zamin”ni Telegramʻda oʻqing!
