Kecha, 16-fevral kuni Angliya Kubogining 1/8 final bosqichi uchun qur’a tashlandi — va qur’a rostdan ham muxlislar uchun “popkorn tayyorlab qo‘yadigan” juftliklarni sovg‘a qildi. Bir tomonda grandlar, bir tomonda “kichiklar”, o‘rtasida esa — kutilmagan syujetlar.
Markaziy bahs
Eng shov-shuvli to‘qnashuv, shubhasiz, "Nyukasl" – "Manchester Siti" uchrashuvi bo‘ladi. “Qarg‘alar” o‘z maydonida Pep Gvardiolaning “mashina”sini to‘xtatishga urinib ko‘radi. Bu juftlikda har bir epizod finaldek ahamiyatli bo‘lishi mumkin.
Grandlar va “kichiklar” syujeti
Qur’a “sensatsiya hidi” keladigan o‘yinlarni ham tayyorlab qo‘ydi. Masalan, "Arsenal" safarda "Mensfild Taun"ga qarshi o‘ynaydi — qag‘ozda favorit aniq, ammo kubok o‘yinlarida qag‘oz tez yonib ketadi.
Yana bir qattiq juftlik: "Vulverxempton" – "Liverpul". Bu yerda “hatto 1 ta xato ham qimmat” degan qoida 2 barobar ishlaydi.
Eng “afishali” o‘yinlardan biri esa "Reksem" – "Chelsi" bahsi: maydonda futbol, atrofida esa katta shov-shuv — muxlis uchun ideal kombo.
1/8 final juftliklari to‘liq ro‘yxat
- Fulxem – Sautgempton
- Port Veyl / Bristol Siti – Sanderlend
- Nyukasl – Manchester Siti
- Lids Yunayted – Norvich Siti
- Mensfild Taun – Arsenal
- Vulverxempton – Liverpul
- Reksem – Chelsi
- Vest Xem – Brentford
Qisqa eslatma: qur’a “Maklsfild – Brentford” bahsi oldidan o‘tkazilgan edi, keyin o‘sha o‘yinda "Brentford" g‘alaba qozonib, navbatdagi bosqichda "Vest Xem"ga tushdi.
Endi asosiy intriga oddiy: kubokda navbatdagi sensatsiya bo‘ladimi yoki grandlar “o‘ziniki”ni oladimi? Bir narsa aniq — bu bosqichda “oson o‘yin” degan tushuncha odatda ta’tilga chiqib ketadi.
“Zamin”ni Telegramʻda oʻqing!
