Polsha terma jamoasining sobiq futbolchisi Machey Ribus yaqin kelajakda Rossiya va Polsha o'rtasida o'rtoqlik uchrashuvi o'tkazilishiga ishonmayotganini aytdi. Bu haqda euro-football.ru xabar beradi.
Avvalroq Rossiya mart oyida Mali va Gvatemalaga qarshi o'ynashi mumkinligi haqida xabarlar tarqalgan, biroq hozircha Rossiya futbol ittifoqi bu borada rasmiy bayonot bermagan.
Ribusning ta'kidlashicha, Rossiyaning yaqin orada Polshaga qarshi maydonga tushish ehtimoli deyarli yo'q. «O'zingiz ko'rib turibsiz, rossiyaliklar kimlar bilan o'ynayapti», — deya uning so'zlarini Metaratings keltiradi.
Ma'lumki, Rossiya futbol ittifoqi UEFA va FIFA sanksiyalari ostida qolmoqda. Shu sabab Rossiya terma jamoasi allaqachon bir necha yildan beri rasmiy musobaqalarda ishtirok etmayapti, cheklovlar esa qariyb to'rt yil avval joriy qilingan.
“Zamin”ni Telegramʻda oʻqing!
