Mashhur insayder Fabritsio Romano "Real"ning Yurgen Kloppni bosh murabbiylikka olib kelishi ehtimoli bo‘yicha klub ichidagi qarashlar haqida ma’lumot berdi. Bu haqda euro-football.ru xabar beradi.
Romano YouTube kanalida ta’kidlashicha, germaniyalik mutaxassis hozircha "Red Bull" loyihasidagi ishlariga to‘liq sho‘ng‘igan va diqqatini aynan shu tomonga qaratgan. "Real" masalasiga kelsak, avval Alvaro Arbeloaning ishlari baholanadi: Romano fikricha, u Ispaniya chempionatida yaxshi natijalar ko‘rsatib, Chempionlar Ligasi pley-offining "Benfika"ga qarshi ilk o‘yinida ham jamoani munosib boshqargan.
Shuningdek, "Real" rahbariyatida Kloppni juda yuqori qadrlaydiganlar bor, biroq Romano hozircha u bilan muzokaralar yoki rasmiy taklif bo‘yicha aniq tafsilotlardan xabardor emasligini qo‘shimcha qildi.
“Zamin”ni Telegramʻda oʻqing!
