SSSR terma jamoasi va Moskvaning CSKA klubida himoyachi sifatida to‘p surgan Vladimir Ponomaryov sobiq “armiyachi” Aleksandr Golovin haqida fikr bildirdi. Hozirda yarim himoyachi Fransiyaning “Monako” jamoasida o‘ynamoqda. Bu haqda euro-football.ru xabar beradi.
Ponomaryovning aytishicha, Golovin hozir CSKAga qaytgan taqdirda ham jamoani sezilarli kuchaytira olmasligi mumkin. U futbolchining yoshi 30 ga yaqinlashgani, bu esa o‘yinda o‘z ta’sirini ko‘rsatayotganini ta’kidladi. Sobiq futbolchi Golovinda intizom bilan bog‘liq muammolar ko‘payganini ham qayd etib, agar imkon bo‘lsa, murabbiylik kabi boshqa yo‘nalishni ko‘rib chiqishni maslahat berdi.
Ma’lumot uchun, Golovin so‘nggi ikki uchrashuvda — chempionat va Chempionlar ligasi o‘yinlarida — ikki marta maydondan chetlatilgan. Joriy mavsumda esa u 26 ta uchrashuvda qatnashib, 2 ta gol urdi va 5 ta golli uzatmani amalga oshirdi.
“Zamin”ni Telegramʻda oʻqing!
