Madridning “Real” klubi himoyachisi Dani Karvaxal mavsum oxirigacha jamoada ikkinchi plandagi rol bilan cheklanib qolishini tushunib turibdi. Diario Madridista xabariga ko‘ra, bu xulosa futbolchining bosh murabbiy Alvaro Arbeloa bilan bo‘lgan suhbatidan keyin shakllangan. Bu haqda euro-football.ru xabar beradi.
Karvaxal kiyinish xonasida hanuz yetakchi va hurmat qilinadigan shaxs bo‘lib qolmoqda, biroq jarohatlar hamda o‘yin amaliyotidagi uzilishlar uning Madriddagi kelajagini shubha ostiga qo‘ymoqda. Manbaga ko‘ra, eng yaxshi holatda ham u klubdan atigi bir mavsumlik yangi bitim olishi mumkin.
Shu fon’da himoyachi faoliyatini davom ettirish uchun turli variantlarni ko‘rib chiqmoqda, jumladan Qatar chempionatiga yo‘l olish ehtimoli ham bor — u yerda uning qarindoshi Xoselu Mato to‘p suradi. Karvaxalning amaldagi shartnomasi 2026 yil iyunida yakunlanadi, u bu mavsum maydonga atigi 12 o‘yinda tushdi.
“Zamin”ni Telegramʻda oʻqing!
