Portugaliyaning «Benfika» klubi vingeri Djanluka Prestiannining Madridning «Real»iga qarshi o'yinda kiygan futbolkasi auksionga chiqarildi. 17 fevral kuni bo'lib o'tgan YeOFA Chempionlar ligasi pley-off bosqichidagi ilk uchrashuvda «Real» 1:0 hisobida g'alaba qozongan, bahs esa Prestiannining irqchilik bo'yicha e'tirozlari bilan ham yodda qolgan. Bu haqda euro-football.ru xabar beradi.
Futbolka «Benfika»ning rasmiy hamkori bo'lgan Match Worn Shirt platformasi orqali sotuvga qo'yildi. Hozircha lot bo'yicha 46 ta taklif kelib tushgan, eng yuqori narx 1 ming yevroni tashkil etmoqda.
Argentinaning «Veles Sarsfild» akademiyasi tarbiyalanuvchisi Prestianni 2024 yildan buyon «Benfika» safida to'p surmoqda. Joriy mavsumda u 30 ta o'yinda maydonga tushib, 2 ta gol urdi va 2 ta golli uzatmani amalga oshirdi.
“Zamin”ni Telegramʻda oʻqing!
