Londonning «Arsenal» klubi yarim himoyachisi Deklan Rays jamoaning 16 yoshli iste’dodi Maks Do‘uman haqida fikr bildirdi. Bu haqda euro-football.ru xabar beradi.
Do‘uman dekabr oyining oxirida 16 yoshga to‘lganiga qaramay, «kanonirlar»ning asosiy jamoasi safida allaqachon beshta uchrashuvda maydonga tushishga ulgurdi.
Raysning aytishicha, u bu yoshdagi futbolchida bunday darajadagi iste’dodni hali ko‘rmagan. Yarim himoyachi Do‘uman haqida dastlab Jek Uilsherdan eshitganini ham qo‘shimcha qildi: u Raysga yosh futbolchini albatta kuzatib borishni tavsiya qilgan. «Futbolchi chindan ham kuchli bo‘lsa, buni darrov payqaysan. Maks bilan ham xuddi shunday bo‘ldi», — dedi Rays (jurnalist Saymon Kollings iqtibosi).
Yakshanba kuni «Arsenal» APL doirasida safarda «Tottenhem»ga qarshi bahs olib boradi.
“Zamin”ni Telegramʻda oʻqing!
