Madridning “Real” jamoasi bosh murabbiyi Alvaro Arbeloa La Liganing navbatdagi turi doirasida safarda “Osasuna”ga qarshi o‘yin oldidan fikr bildirdi. Mutaxassis Pamplonadagi bahs juda og‘ir kechishini ta’kidladi. Bu haqda euro-football.ru xabar beradi.
Arbeloa “Osasuna” uyida ikki oydan beri mag‘lub bo‘lmay kelayotganini va jamoa ayni paytda yaxshi sport formasida ekanini eslatdi. “Bu stadionda ‘Real’ uchun o‘ynash qanchalik qiyinligini bilamiz. Men u yerda faqat bir marta g‘alaba qozonganman. Oldinda jiddiy jang turibdi, uch ochko olish uchun eng yaxshi tarzda tayyorlanishimiz kerak”, — deya Arbeloaning so‘zlarini AS nashri keltirdi.
Hozirda “Real” La Ligada peshqadam, ikkinchi o‘rindagi “Barselona” esa madridliklardan ikki ochko ortda bormoqda.
“Osasuna” — “Real” uchrashuvini matnli translyatsiya orqali kuzatib borish mumkin bo‘ladi.
“Zamin”ni Telegramʻda oʻqing!
