"Istanbul Bashakshehir" hujumchisi Eldor Shomurodov Italiyaga safar qildi. Bu safar transfer yoki yig‘in emas — oddiy, lekin juda insoncha qadam: u Jaloliddin Masharipovning holidan xabar olish uchun yo‘lga chiqqan.
Ma’lum bo‘lishicha, Masharipov hozirda Italiyada jarohatini davolayapti. Ana shu jarayonda hamyurtimizni ruhlantirib qo‘yish, qo‘llab-quvvatlash — Shomurodovning asosiy maqsadi bo‘lgan.
Masharipov esa bu uchrashuvni ijtimoiy tarmoqda samimiy qayd etdi:
“Eldor meni ko‘rgani kelibdi. Bu mavsum Turkiyada to‘purar bo‘lishini tilab, duo qilib qo‘ydim”.
Aytish joiz, joriy mavsumda Turkiya chempionatida Eldorning formasi chaqqon: u 16 ta gol bilan to‘purarlar ro‘yxatida ikkinchi o‘rinda turibdi. Demak, maydonda “rejim” yaxshi, kayfiyat ham yuqori — endi faqat shunday barqarorlik davom etsin.
Qisqasi, ba’zan eng katta motivatsiya — katta gaplar emas, oddiy ko‘rishib qo‘yish. Masharipov tezroq sog‘aysin, Eldor esa bu mavsumda to‘purarlik poygasida birinchi o‘rinni ham tortib olsin — duolar “apgreyd” qilindi.
“Zamin”ni Telegramʻda oʻqing!
