“Dinamo”ning sobiq futbolchisi Artur Yusupov fransuzning “PSJ” klubi darvozaboni Matvey Safonov haqida fikr bildirdi. Uning aytishicha, 2026 yilda parijliklar safida asosiy darvozabon maqomini olgan Safonov bunga to‘liq munosib. Bu haqda euro-football.ru xabar beradi.
Yusupov Safonovning hozirgi o‘yinlari e’tibordan chetda qolmayotganini ta’kidladi. U Matveyning ishonchli harakati va barqaror formasi sabab “PSJ”ning birinchi raqamiga aylangani tabiiy ekanini qayd etdi.
Joriy mavsumda 27 yoshli darvozabon barcha musobaqalarni hisobga olganda 11 uchrashuvda maydonga tushdi. Safonov 12 ta gol o‘tkazib yuborgan bo‘lsa-da, to‘rtta o‘yinda darvozasini daxlsiz saqlab qoldi.
Safonovning “PSJ” bilan amaldagi mehnat shartnomasi 2029 yilning o‘rtalarigacha mo‘ljallangan. Transfermarkt ekspertlari uning bozor qiymatini 15 million yevroga baholamoqda.
“Zamin”ni Telegramʻda oʻqing!
