Rossiyalik taniqli murabbiy Rinat Bilyaletdinov Jahon chempionati va Chempionlar ligasida ishtirokchilar soni oshirilayotganini keskin tanqid qildi. Mutaxassis o‘z fikrlarini «Yevro-Futbol.Ru» nashriga bergan intervyusida bildirdi. Bu haqda euro-football.ru xabar beradi.
Bilyaletdinovning aytishicha, JChda 48 ta, Chempionlar ligasida esa 36 ta jamoa qatnashishi futbolni «haddan tashqari ko‘paytirib yuboradi». U «AQShda 48 jamoali mundial bo‘ladi, tomoshabin kimni ko‘radi — Kyurasao’ni hammi?» deya savol qo‘ydi va u yerda asosan niderlandiyalik futbolchilar o‘ynashini ham eslatdi.
Murabbiy Chempionlar ligasidagi kengayishni ham moliyaviy manfaatlar bilan bog‘ladi. Uning fikricha, bu jarayonda asosiy sabab sport tamoyillari emas, balki daromad va foyda ortidan quvish bo‘lib, eski va yangi formatda klublar topadigan mablag‘larni solishtirish kerak.
Ma’lumot uchun, 2026 yilgi Jahon chempionati 11 iyundan 19 iyulgacha AQSh, Meksika va Kanada maydonlarida o‘tkaziladi.
“Zamin”ni Telegramʻda oʻqing!
