So'nggi uchrashuvlarda biroz sustlashib qolgan «Como» shanba kungi bahsda omon qolish uchun kurashayotgan «Lecce»ni qabul qildi. Bu haqda euro-football.ru xabar beradi.
Mehmonlar 13-daqiqada hisobni ochdi: Lamek Banda qanotdan uzatma berdi, Lassana Kulibali esa bosh bilan aniq zarba yo'llab, jamoasini oldinga olib chiqdi — 0:1. Oradan besh daqiqa o'tib, Hesus Rodriges Anastasios Duvikasni qulay vaziyatga chiqardi va «Como» tezda javob qaytardi — 1:1.
Uy egalari bosimni davom ettirdi va 36-daqiqada yana bir bor aniq hujum uyushtirdi: Maksimo Perronedan uzatmani olgan Rodriges to'pni darvozaga «mixlab», hisobni o'zgartirdi — 2:1. Tanaffus arafasida esa Lukas da Kunyaning yuqoridan uzatmasidan keyin Mark-Oliver Kempf bosh bilan gol urib, farqni ikkitaga oshirdi — 3:1.
Ushbu g'alabadan so'ng «Como» turnir jadvalida «Yuventus»ni ortda qoldirib, 5-o'ringa ko'tarildi. «Lecce» esa quyi pog'onalarda qolib, pastdan uchinchi o'rinda bormoqda.
“Zamin”ni Telegramʻda oʻqing!
