"Napoli" bosh murabbiyi Antonio Konte jamoa joriy mavsum duch kelayotgan muammolar, xususan jarohatlar fonidagi vaziyat haqida fikr bildirdi. Bu haqda euro-football.ru xabar beradi.
Italiya amaldagi chempioni kampaniya startidanoq tarkibdagi yo'qotishlar bilan yashayapti. Neapolliklar allaqachon Chempionlar ligasi va Kubok bilan xayrlashdi, A Seriyada esa yetakchi "Inter" bilan chempionlik poygasida raqobat qilish imkoniyati tobora kamayib bormoqda.
Konte ta'kidlashicha, bu mavsum unga avval uchramagan holatlarda ishlash tajribasini berdi: "Men yangi vaziyatlarni boshdan kechirdim, bu esa murabbiy sifatida meni kuchaytirdi. Bunday muammolarni hal qilish oson emas. Hozir o'zimni avvalgidan ham mukammalroq murabbiy deb his qilyapman", — deya uning so'zlarini jurnalist Nikolo Skira keltirdi.
Eslatib o'tamiz, shanba kuni "Napoli" safarda "Verona"ni 2:1 hisobida mag'lub etdi.
“Zamin”ni Telegramʻda oʻqing!
