Jahon chempionatiga sanoqli oylar qolgan bir pallada Marokash futbolida katta o'zgarish yuz berdi. Mamlakat qirollik futbol federatsiyasi terma jamoa bosh murabbiyi Volid Rikrokiyning iste'fosini qabul qildi. Rikrokiy qo'l ostida jamoa 2022 yilgi mundialda yarim finalgacha yetib borgan va 2025 yilgi Afrika kubogida finalda ishtirok etgandi.
Bo'shab qolgan bosh murabbiy lavozimiga Muhammad Uahbi tayinlandi. 49 yoshli mutaxassis shu paytgacha Marokashning yoshlar jamoalarida samarali faoliyat yuritgan. Xususan, uning qo'l ostidagi U-20 terma jamoasi 2025 yilda jahon chempioni bo'lishga muvaffaq bo'lgan edi. Uahbi 2022 yildan buyon mamlakatning U-20 va U-23 jamoalarini boshqarib kelayotgan tajribali murabbiylardan biri hisoblanadi.
Oldinda turgan 2026 yilgi jahon chempionatida Marokash terma jamoasi Braziliya, Haiti va Shotlandiya kabi kuchli raqiblar bilan bir guruhdan joy olgan. Yangi murabbiy oldiga qo'yilgan asosiy vazifa qisqa vaqt ichida jamoani mundialga munosib tayyorlash va guruh bosqichidan muvaffaqiyatli o'tishdan iborat.
“Zamin”ni Telegramʻda oʻqing!
