Ispaniya chempionatining 27 turidan o'rin olgan "Selta" va "Real Madrid" jamoalari o'rtasidagi uchrashuv yaqinlashmoqda. Mazkur bahs Balaidos stadionida bo'lib o'tadi va madridliklar ushbu safar o'yini uchun o'z tarkibini rasman e'lon qildi.
"Real Madrid" bosh murabbiyi bo'lajak o'yin uchun darvozabonlar chizig'ida Kurtua, Lunin va Serxio Mestrega ishonch bildirgan. Himoya chizig'ida esa Karvaxal, Trent, Asensio, Fran Garsiya, Ryudiger, Mendi, Diyego Aguado hamda Lamini kabi futbolchilar maydonga tushishi kutilmoqda.
Yarim himoya va hujum chizig'ida ham kuchli tarkib yig'ilgan. Xususan, Valverde, Tchuameni, Arda Guler, Sestero, Manuel Anxel, Palasios va Tiago maydon markazida harakat qilsa, hujum chizig'ida Vini Jr., Gonsalo hamda Braim jamoa g'alabasi uchun kurash olib boradi. "Real Madrid" muxlislari o'z sevimli jamoasidan navbatdagi muhim g'alabani kutib qolishmoqda.
Uchrashuv Toshkent vaqti bilan 2026 yil 7 mart kuni soat 01:00 da boshlanadi. O'yinni Orange TV va Movistar LaLiga telekanallari orqali jonli efirda kuzatish imkoniyati mavjud.
“Zamin”ni Telegramʻda oʻqing!
