"Manchester Siti" bosh murabbiyi Xosep Gvardiola jamoaning kelasi mavsumdagi holati borasida o'z fikrlari bilan o'rtoqlashdi. Mutaxassis jamoa hozirda ma'lum bir o'zgarishlar davrini boshdan kechirayotganini ta'kidlab, kelgusi yil natijalar yanada yaxshiroq bo'lishiga qat'iy ishonishini aytdi.
Ispaniyalik murabbiyning so'zlariga ko'ra, jamoa yangi sharoitlarga imkon qadar tezroq moslashishi va o'z o'yinini kuchaytirishi talab etiladi. Gvardiola tarkibdagi o'zgarishlar jarayoni qiyin kechayotgan bo'lsa-da, kelasi mavsumda "shaharliklar" yanada kuchliroq o'yin namoyish etishiga shubha qilmayapti.
Ayni damda "Manchester Siti" Angliya premyer ligasi turnir jadvalida 60 ochko bilan ikkinchi o'rinni egallab turibdi. Musobaqa peshqadami "Arsenal" hisobida 67 ochko mavjud, biroq londonliklar "shaharliklar"ga nisbatan bitta ko'proq o'yin o'tkazgan. Gvardiola shogirdlari chempionlik poygasida kurashni davom ettirmoqda va mavsum yakuniga qadar vaziyatni o'z foydalariga hal qilishga urinib ko'rishadi.
“Zamin”ni Telegramʻda oʻqing!
