Angliya kubogi musobaqasining chorak finalida “Manchester Siti” futbolchilari katta shov-shuv bilan eʼtiborni tortib, Liga kubogini qo‘lga kiritganidan so‘ng yana bir sovringa yaqinlashdi. “Shaharliklar” kuchli raqib – Angliyaning amaldagi chempioni “Liverpul” darvozasiga javobsiz to‘rtta gol urdi va muxlislarni hayratga soldi.
Nufuzli ekspertlar portali esteemedkompany.com futbolchilarning o‘yinini tahlil qilib, baho berdi. Darvozabon Jeyms Trafford yana bir ajoyib o‘yin namoyish etdi, bir qator muhim seyvlarni amalga oshirdi va Muhammad Salohning penaltisini ham qaytardi — baho 8,5/10.
Himoyada Mateush Nunyesh salohiyatidan to‘liq foydalana olmadi, 6,5/10 ball oldi. Shu bilan birga, Abduqodir Husanov himoyada mukammal harakat qilib, jamoasi uchun ham himoyani, ham hujumni boshlashda muhim rol o‘ynadi — 7,5/10. Mark Gexi ham ajoyib harakat qildi va shu kabi baho oldi, 7,5/10.
O‘Raylidan yana sifatli o‘yin kuzatildi — golli pas va himoyadagi harakatlari ham yuqori darajada baholandi, 8,5/10. Yarim himoyada Rodri o‘yinni nazorat qildi, barcha harakatlarini samarali amalga oshirdi — 8,5/10. Bernardu Silva jamoaga tempni berib turdi va haqiqiy sardor sifatida ko‘rsatdi, 8,5/10.
O‘ng qanotda Antuan Semenyo ham ajoyib chiqish qilib, gol urdi va golli pas berdi — 9/10. Rayan Sherki dastlab zaif edi, keyingi daqiqalarda jonlanib, ikkinchi golda assist qildi — 8,5/10. Jeremi Doku sekin boshladi, ammo ritmga kirib, tezligi va driblingi bilan xavf yaratdi — 7,5/10.
Erling Xoland esa ajoyib xet-trik bilan o‘yinni yakuniga yetkazdi va umuman yuqori saviyada harakat qildi — 10/10. Zahiradan tushgan yarim himoyachilar Niko va Savio ham bir qator yaxshi harakatlar qildi, har biri 6/10 ball oldi.
“Manchester Siti”ning bu g‘alabasi yarim finaldagi ishonchli chiqishini yana bir bor tasdiqladi va jamoa chempionlik yo‘lida muhim qadam tashladi. Muxlislar uchun bu o‘yin nafaqat quvonchli, balki kelgusi musobaqalarda yuqori intizom va tayyorgarlik ramzi bo‘ldi.
“Zamin”ni Telegramʻda oʻqing!
