Superliganing 7-turi doirasida Qarshining “Nasaf” jamoasi “Buxoro” futbol akademiyasi maydonida “Buxoro”ni qabul qildi va qizg‘in kurash olib borilgan uchrashuv 1:1 hisobida yakunlandi.
Ro‘ziqul Berdiyev shogirdlari bahsni faol boshlab, o‘yin davomida ustunlikka intilishdi. 60-daqiqada mezbonlar safida harakat qilgan Zafarmurod Abdurahmatov hisobni ochib, jamoasini oldinga olib chiqdi. Biroq uchrashuvning oxirgi qismida mehmonlar ham taslim bo‘lmadi — 77-daqiqada Temur Mamasiddiqov gol urib, “Buxoro”ni mag‘lubiyatdan qutqardi.
Uchrashuv yakunida har ikki jamoa bir ochkodan bo‘lishib oldi. Uchrashuv oxirida ehtiroslar ham kuchaydi: bir necha futbolchilar ogohlantirildi, Umar Eshmurodov esa 79-daqiqada qizil kartochka olib, maydonni tark etdi.
Superliga. 7-tur
“Nasaf” – “Buxoro” 1:1
Gollar: Zafarmurod Abdurahmatov 60‘ – Temur Mamasiddiqov 77‘
“Nasaf”: 21.Samandar Muratbayev, 5.G‘olib G‘aybullayev, 6.Sardor Bahromov, 7.Adenis Shala, 8.Zafarmurod Abdiraxmatov (22.Diyor Abdunazarov, 84), 10.Bobir Abdixoliqov, 14.Sharof Muhitdinov, 15.Oybek Rustamov, 17.Murod Rahmatov, 32.Quvonch Xushvaqtov, 92.Umar Eshmurodov.
“Buxoro”: 12.Umidjon Hamroyev, 2.Velko Filipovich, 6.Ravshan Xayrullayev, 7.Xurshidbek Muxtorov, 10.Shahzodbek Ubaydullayev (88.Dominik Begich, 73), 11.Timur Mamasidiqov, 17.Javohir Ro‘ziyev (8.Anvarjon Jo‘rayev, 66), 25.Sherzod Esanov (9.Nika Kacharava, 66), 30.Boyan Mladovich, 78.Vladimir Rodich (22.Asadbek Jo‘raboyev, 73), 97.Shahboz Jo‘rabekov.
Ogohlantirish: Anvarjon Jo‘rayev (90), G‘olib G‘aybullayev (90+7).
Chetlatish: Umar Eshmurodov (79).
Yakunda ikki jamoa ham mustahkam o‘yin ko‘rsatib, muhim ochkolarni bo‘lishib oldi — “Nasaf” ustunlikni ushlab qololmadi, “Buxoro” esa xarakter ko‘rsatdi.
“Zamin”ni Telegramʻda oʻqing!
