Yevropaning yana bir nufuzli turniri — Yevropa Konferensiyalar ligasida chorak final bosqichi yakuniga yetdi. Qiziqarli va kutilmagan natijalarga boy bo‘lgan bahslar orqali yarim finalga chiqqan jamoalar nomi maʼlum bo‘ldi.
Italiyaning “Fiorentina” jamoasi o‘z maydonida "Kristal Pelas"ni 2:1 hisobida mag‘lub etgan bo‘lsa-da, ikki o‘yin natijasiga ko‘ra inglizlar keyingi bosqichga yo‘l oldi. Ilk uchrashuvdagi 3:0 hisob “Pelas”ga hal qiluvchi ustunlikni bergan edi.
Fiorentina – Kristal Pelas 2:1
Gollar: Gudmundsson 30 penalti, Ndur 53 – Sarr 17
Birinchi o‘yin: 0:3
Fransiyaning “Strasburg” klubi esa haqiqiy sensatsiya yaratib, Germaniyaning “Mayns” jamoasini musobaqadan chiqarib yubordi. Birinchi o‘yinda 0:2 hisobida mag‘lub bo‘lgan fransuzlar javob bahsida raqib darvozasiga javobsiz 4 ta gol yo‘llab, kambekni amalga oshirdi.
Strasburg – Mayns 3:0
Gollar: Nanasi 26, Ouattara 35, Ensiso, Emega 74
Birinchi o‘yin: 0:2
Gretsiyaning AYEK jamoasi "Rayo Valekano" ustidan 3:1 hisobida g‘alaba qozonganiga qaramay, birinchi o‘yindagi 0:3 mag‘lubiyat sabab musobaqani tark etdi. Ispaniyadagi bahsda “Rayo” yirik ustunlikka ega bo‘lgandi.
AYEK – Rayo Valekano 3:1
Gollar: Zini 13, 51, Marin 36 penalti – Palazon 60
Birinchi o‘yin: 0:3
Niderlandiyaning AZ “Alkmar” va Ukrainaning “Shaxtyor” klubi o‘rtasidagi uchrashuv 2:2 hisobida durang bilan yakunlandi. Birinchi o‘yindagi 3:0 g‘alaba “Shaxtyor”ga yarim final yo‘llanmasini taqdim etdi.
AZ – Shaxtyor 2:2
Gollar: Yansen 73, Sin 80 – Alisson 58, Luka 83
Birinchi o‘yin: 0:3
Shu tariqa, Konferensiyalar ligasidagi chorak final bosqichi sensatsion natijalar va dramatik burilishlarga boy tarzda yakuniga yetdi. Endi esa muxlislarni yana-da keskin va qiziqarli yarim final bahslari kutmoqda.
“Zamin”ni Telegramʻda oʻqing!
