«Manchester City» «Byornli»ga qarshi Husanov bilan tushishi kutilmoqda
Angliya Premyer-ligasining 34-turi doirasida "Manchester Siti" mehmonda "Byornli"ga qarshi bahs olib boradi. Ingliz nashrlari e'lon qilgan taxminiy tarkibga ko'ra, O'zbekiston terma jamoasi himoyachisi Abduqodir Husanov ushbu uchrashuvni asosiy tarkibda boshlashi kutilmoqda. "Shaharliklar" safida Husanov bilan birga Donnarumma, Bernardu Silva va Erling Holand kabi yulduzlar ham maydonga tushishi taxmin qilinmoqda. Mazkur bahs o'zbekistonlik futbolchi uchun nufuzli ligada o'z mahoratini namoyish etish uchun muhim imkoniyatdir.
Angliya Premer-ligasining 34-turi doirasida «Manchester City» mehmon sifatida «Byornli»ga qarshi maydonga tushadi. Qizgʻin kutilgan ushbu uchrashuv Toshkent vaqti bilan soat 23:59 da start oladi.
Oʻyin oldidan ingliz sport nashrlari «shaharliklar»ning taxminiy asosiy tarkibini eʼlon qildi. Unga koʻra, jamoa bir qator asosiy futbolchilar bilan maydonga tushishi kutilmoqda.
Eng muhimi, taxminlarga koʻra, Oʻzbekiston milliy terma jamoasi himoyachisi Abduqodir Husanov ham bosh tarkibda oʻyinni boshlashi mumkin. Bu esa oʻzbekistonlik muxlislar uchun alohida qiziqish uygʻotmoqda.
Eʼlon qilingan ehtimoliy tarkibda darvozada Donnarumma, himoyada Nunes, Abduqodir Husanov, Mark Gexi va O'Rayli harakat qilishi mumkin. Yarim himoyada Niko va Bernardu Silva, qanotlarda Doku va Sherki, hujum chizigʻida esa Semenyo hamda Erling Holand tushishi kutilmoqda.
Umuman olganda, bu tarkib «Manchester City»ning hujumkor uslubdan voz kechmagan holda, himoyada ham barqarorlikni saqlashga intilayotganini koʻrsatmoqda. Husanov uchun esa bu oʻyin asosiy tarkibda oʻzini yana bir bor namoyish etish imkoniyati boʻlishi mumkin.
Izohlar 0
…