Superligada 9-tur bahslari start oldi va Termiz shahrida qiziqarli uchrashuv boʻlib oʻtdi. «Surxon» oʻz maydonida «Mashʼal»ni qabul qilib, keskin kurash kechgan oʻyinda gʻalaba qozondi.
Uchrashuv 2:1 hisobida mezbonlar foydasiga yakunlandi. Qiziq jihati shundaki, «Surxon» soʻnggi daqiqalarda ikki bor raqib darvozasini ishgʻol qilib, muhim uch ochkoga ega chiqdi.
Dastlab hisobni mehmonlar ochdi. 60-daqiqada Samandar Ochilov penaltidan aniq zarba berib, «Mashʼal»ni oldinga chiqardi. Biroq bu ustunlik uzoqqa choʻzilmadi.
84-daqiqada Stiven Chinedu hisobni tenglashtirdi va oʻyinga yangi intriga kiritdi. Uchrashuvning asosiy qismi yakunlanib borayotgan pallada esa Kamron Yusupov 90+2-daqiqada gʻalaba golini urdi.
Superliga. 9-tur
Surxon – Mashʼal 2:1
Gollar: Samandar Ochilov, 60 pen (0:1), Stefen Chinedu, 84 (1:1), Kamron Yusupov, 90+2 (2:1)
Surxon – Otabek Boymurodov, Behruz Jumatov, Behzod Shamsiyev, Dostonbek Tursunov, Xumoyun Sherboʻtayev, Stiven Chinedu, Sunnatilla Abdullajonov, Tohirjon Ashurbayev, Sarvar Abduhamidov, Javohir Joʻrayev, 66.Behroʻz Shaydulov.
Mashʼal – Dostonbek Toʻxtaboyev, Zafarbek Akramov, Samandar Ochilov, Humoyun Murtozayev, Abdul Rashid Abubakar, Muhammadali Aliqulov, Nurjahon Muzaffarov, Sherzod Fayziyev, Suxrobjon Parmonqulov, Roman Xadjiyev, Avgustin Chidi Kvem.
Shu tariqa, «Surxon» ochkolari sonini 11 taga yetkazdi va turnir jadvalida oʻz oʻrnini mustahkamlashga harakat qilmoqda. «Mashʼal» esa haligacha mavsumda birorta ham ochko qoʻlga kirita olmagan holda qolmoqda.
Umuman olganda, uchrashuv soʻnggi daqiqalargacha intrigaga boy boʻlib, muxlislarga katta hayajon ulashdi. «Surxon» esa xarakter koʻrsatib, muhim gʻalabani oʻz nomi bilan yozib qoʻydi.
“Zamin”ni Telegramʻda oʻqing!
