"Real Madrid" rahbariyati Argentina terma jamoasi bosh murabbiyi Lionel Skaloni bilan aloqaga chiqdi. Madridliklar 47 yoshli mutaxassisni Alvaro Arbeloa o'rniga asosiy nomzod sifatida ko'rmoqda. Bu haqda Goal.com xabar beradi.
Hozirda klub Ispaniya chempionatida "Barselona"dan 11 ochko ortda qolmoqda.
Skaloni Argentina bilan Kopa Amerika va Jahon chempionatida g'olib chiqqanidan so'ng uning nufuzi keskin oshdi. Madrid klubi rahbari Florentino Peresning ro'yxatidan Sesk Fabregas, Yurgen Klopp va Didye Desham kabi nomlar ham joy olgan.
Biroq Skalonining yulduz futbolchilar, xususan Lionel Messi bilan ishlash qobiliyati klub e'tiborini tortgan.
Hozirda Skalonining Argentina futbol assotsiatsiyasi bilan shartnomasi 2026 yilgi Jahon chempionati yakuniga qadar amal qiladi. Murabbiy o'z kelajagi haqidagi savollarga javob berar ekan, bor e'tiborini terma jamoadagi vazifasiga qaratganini ta'kidladi.
U prezident bilan munosabatlari yaxshi ekanini va uzoq kelajak haqida o'ylamasligini ma'lum qildi.
Alvaro Arbeloaning jamoadagi holati borgan sari murakkablashib bormoqda. Sobiq himoyachi boshqaruvidagi jamoa chempionlik poygasidan deyarli chiqib ketdi.
Agar Skaloni bilan muzokaralar muvaffaqiyatli yakunlansa, Arbeloaning mavsum oxirida iste'foga chiqishi muqarrar bo'lib qoladi.
“Zamin”ni Telegramʻda oʻqing!
