Luis Enrike «Bavariya» bilan o'yin oldidan Kompanini maqtadi
Luis Enrike "Bavariya" bilan o'yin oldidan raqib jamoa haqida ijobiy fikrlar bildirdi. U Mюнхen klubining o'yin uslubini yuqori baholadi va ularning hujumdagi faoliyatini ta'kidlab o'tdi. Enrike, shuningdek, "Bavariya" murabbiyi Vinsent Kompanini yuqori saviyadagi mutaxassis deb atadi va jamoaning kuchli futbolchilarini e'tirof etdi. "PSJ" jamoasi yaxshi sport formasida bo'lib, kelgusi o'yinda muvaffaqiyatga erishish uchun tayyor ekanini ma'lum qildi.
«PSJ» bosh murabbiyi Luis Enrike Chempionlar ligasi yarim finali doirasidagi «Bavariya»ga qarshi o'yin oldidan raqib jamoa haqida o'z fikrlarini bildirdi. Ispaniyalik mutaxassis Myunxen klubining o'yin uslubini yuqori baholab, ularning uchrashuvlarini tomosha qilish unga zavq bag'ishlashini ta'kidladi. Bu haqda Goal.com xabar beradi.
Enrike «Bavariya» ustozi Vinsent Kompanini yuqori saviyadagi murabbiy deb atadi. Uning so'zlariga ko'ra, nemis jamoasi doimo hujumda o'ynaydi va juda ko'p gol uradi.
Murabbiy raqib tarkibidagi Kimmix, Kane, Mussiala, Olis va Nojer kabi futbolchilarning mahoratini alohida e'tirof etdi.
«PSJ» ustozi bo'lajak bahs barcha uchun qiziqarli o'tishini bashorat qilmoqda. Parijliklar ayni damda yaxshi sport formasida ekanini va g'alaba qozonish uchun har qanday ssenariyga tayyor turishlari kerakligini ma'lum qildi.
Jamoa tarkibida barcha asosiy futbolchilar sog'lom va maydonga tushishga tayyor.
Gruziyalik hujumchi Xvicha Kvarashelia ham o'z fikrlari bilan o'rtoqlashdi. U «Bavariya» darvozaboni Manuel Nojerni afsonaviy posbon deb atadi.
Shunga qaramay, Kvarashelia «PSJ» har qanday raqibni mag'lub etishga qodir ekanini va o'z kuchiga ishonishini qo'shimcha qildi.
Statistikaga ko'ra, «Bavariya» Chempionlar ligasidagi oxirgi beshta o'zaro uchrashuvning barchasida g'alaba qozongan. Myunxenliklar ushbu bahslarda jami yettita gol urib, o'z darvozalaridan faqat bitta to'p olib chiqishgan.
Izohlar 0
…