Angliya Premyer-ligasi tarixidagi eng omadsiz murabbiylar ro'yxati shakllantirildi. Ushbu ro'yxatdan nafaqat past natija qayd etgan, balki kutilmalarni mutlaqo oqlay olmagan mutaxassislar joy oldi. Bu haqda Goal.com xabar beradi.
Xususan, «Manchester Yunayted» sobiq ustozi Devid Moyes ushbu ro'yxatning yuqori pog'onalaridan birini band etdi.
Moyes Aleks Fergyusonning vorisi sifatida chempion jamoani qabul qilib olgan edi. Biroq u «Manchester Yunayted» falsafasini saqlab qola olmadi va klubning uzoq yillik inqiroziga poydevor qo'ydi.
Nashrning qayd etishicha, aynan Moyes davridan boshlab jamoada muvaffaqiyatsizliklar seriyasi boshlangan.
Tajribali Roy Xodjsonning «Uotford»dagi faoliyati ham keskin tanqidga uchradi. U jamoani ligada olib qolishi kerak edi, biroq vaziyatni yanada og'irlashtirdi.
Xodjson nafaqat natija ko'rsata olmadi, balki muxlislar bilan munosabatlarni ham yomonlashtirib, birorta uy g'alabasini qo'lga kiritmasdan iste'foga chiqarildi.
«Chelsi»da qisqa muddat ishlagan Liam Rosenior ham antireytingga kirdi. U «Xall Siti»dan haydalganidan so'ng kutilmaganda London klubiga tayinlangan edi.
Rosenior beshta o'yinda ketma-ket gol ura olmay mag'lub bo'lgach, uch yarim oydan so'ng o'z lavozimidan mahrum bo'ldi.
Shuningdek, Pol Juellning «Derbi Kaunti»dagi faoliyati ham eng yomonlar qatorida sanab o'tildi. U jamoani qabul qilib olgach, birorta ham g'alaba qozona olmadi.
Natijada klub rekord darajadagi eng past — 11 ochko bilan ligani tark etishga majbur bo'lgan.
“Zamin”ni Telegramʻda oʻqing!
