«Nottingham Forest» jamoasi Yevropa Ligasi chorak final javob uchrashuvida «Portu» ustidan 1:0 hisobida g'alaba qozondi. Ikki o'yin natijasiga ko'ra 2:1 hisobida ustun kelgan ingliz klubi musobaqaning yarim finaliga yo'llanmani qo'lga kiritdi. Bu haqda Goal.com xabar beradi.
Uchrashuvdagi yagona gol muallifi Morgan Gibbs-Uayt o'z muvaffaqiyatini jamoadoshi Elliot Andersonga bag'ishladi. Yarim himoyachi golni nishonlash vaqtida onasi Xelenning vafoti munosabati bilan tarkibni tark etgan Andersonni qo'llab-quvvatlovchi maxsus xabarni namoyish etdi.
«Nottingham Forest» futbolchilari maydonda Andersonning 8-raqamli libosini ko'tarib, «Oila birinchi o'rinda. Biz barchamiz sen bilanmiz» degan so'zlar orqali hamdardlik bildirishdi.
Klub rasmiy bayonotida futbolchining oilasiga chuqur ta'ziya izhor qilingan.
Xelen Anderson o'g'lining faoliyatini doimiy ravishda kuzatib borgan va uning «Nyukasl» akademiyasidan Premyer Ligagacha bo'lgan yo'li bilan faxrlangan. Endilikda «Nottingham Forest» yarim finalda Angliyaning boshqa bir jamoasi «Aston Villa»ga qarshi maydonga tushadi.
“Zamin”ni Telegramʻda oʻqing!
