PSJ YCHL yarimfinalida Bavariya ustidan 5:4 hisobida g'alaba qozondi

01:56 / 29.04.2026·477·Sport

Qisqacha

PSJ UEFA Chempionlar ligasining yarimfinalida Bavariyani 5:4 hisobida mag'lub etdi. O'yin davomida har ikki jamoa ko'plab gol urdi, PSJ hujumchilari Kvarasheniya va Dembele ikkitadan gol urishdi. Bavariya esa, Dayo Upamekano va Luis Dias orqali farqni kamaytira oldi, lekin hisobni tenglashtirishga vaqt yetmadi. PSJ o'yinda 14 ta zarba yo'llab, aniqroq o'ynadi.

UEFA Chempionlar ligasining yarimfinal bosqichi doirasida «PSJ» va «Bavariya» jamoalari o'rtasidagi dastlabki uchrashuv yakunlandi. Gollarga boy o'tgan bahsda Parij klubi 5:4 hisobida g'alaba qozonib, javob o'yini oldidan kichik ustunlikka ega bo'ldi.

Uchrashuvning 17-daqiqasida Garri Keyn penaltini aniq amalga oshirib, mehmonlarni hisobda oldinga olib chiqdi. Biroq «PSJ» hujumchisi Xvicha Kvarasheliya 24-daqiqada muvozanatni tikladi.

Bo'lim yakuniga qadar Joau Nevesh va Usmon Dembele mezbonlar safida gol urgan bo'lsa, «Bavariya»dan Maykl Olise o'z nomini tabloga yozdirib qo'ydi.

Ikkinchi bo'limda ham hujumkor o'yin davom etdi. Kvarasheliya va Dembele dubl qayd etib, parijliklarning beshinchi golini kiritishdi.

Myunxenliklar safida Dayo Upamekano va Luis Dias farqni minimal darajaga tushirishga muvaffaq bo'lishdi, ammo hisobni tenglashtirish uchun vaqt yetmadi.

Statistik ma'lumotlarga ko'ra, «Bavariya» to'p nazorati bo'yicha 54 foiz ko'rsatkich bilan ustunlik qildi. Biroq «PSJ» darvoza tomon 14 ta zarba yo'llab, aniqlik borasida samaraliroq harakat qildi.

Uchrashuv davomida hakam mezbonlar a'zolariga 3 ta sariq kartochka ko'rsatdi.