Bukayo Saka Arsenal jamoasini Chempionlar ligasi finaliga olib chiqqan hal qiluvchi goli va Atletiko Madrid ustidan qozonilgan g‘alabadan so‘ng o‘z quvonchi bilan o‘rtoqlashdi. Emirates stadionida kechgan bahsda 24 yoshli futbolchi Jan Oblakning xatosidan unumli foydalanib, o‘yin taqdirini hal qilgan yagona gol muallifiga aylandi. Bu haqda Goal.com xabar beradi.
O‘yindan keyingi intervyuda Saka jamoasi erishgan natijadan juda baxtli ekanini ta’kidladi. Uning so‘zlariga ko‘ra, bu o‘yin har ikki tomon uchun ham yuqori bosim ostida o‘tdi, ammo Arsenal o‘z vazifasini uddalab, final yo‘llanmasini qo‘lga kiritdi.
Saka o‘zining 81-goli haqida to‘xtalar ekan, bunday vaziyatlarda doimo hushyor bo‘lish va to‘pni kutish muhimligini qayd etdi. Uning fikricha, muxlislarning stadionga kelishidan boshlab ko‘rsatgan qo‘llab-quvvatlashi jamoaga qo‘shimcha kuch bag‘ishladi.
Ayni damda Arsenal nafaqat Chempionlar ligasi finalida, balki Angliya Premer-ligasi chempionligi uchun ham kurash olib bormoqda. Saka jamoa bosimga tayyor ekanini va barcha e’tiborni oldindagi muhim o‘yinlarga qaratishini bildirdi.
“Zamin”ni Telegramʻda oʻqing!
